“Дубай 2025” Азийн залуучуудын V пара наадам ирэх 12 дугаар сарын 7-14-ний өдрүүдэд АНЭУ-ын Дубай хотноо болно.
Энэ удаагийн наадамд Монгол улсаас пара хөнгөн атлетик, парабочи, пауэрлифтингийн төрөлд 18 тамирчин оролцохоор бэлтгэл сургуулилтаа хангаж байгаа билээ.
Тус наадамд оролцох баг тамирчдад дэмжлэг үзүүлэн өнөөдөр Монголын үндэсний олимпын хорооны зүгээс багийн бүрэлдэхүүнд амжилт хүсч 361 брэндийн хувцас гардууллаа.
Монголын Үндэсний паралимпын хорооны ерөнхий нарийн бичгийн дарга Г.Чинзориг, Монголын үндэсний олимпын хорооны ерөнхий нарийн бичгийн дарга Э.Бадар-Ууган болон бусад албаны хүмүүс энэхүү арга хэмжээнд оролцон тамирчдад амжилт хүслээ.
Эх сурвалж | МҮПХ
